Themelohet komiteti për kompleksin e Jasharajve, i prin Kurti (VIDEO)

Kullat e Jasharajve në Prekaz tash e 22 vjet rrezikohen të shemben nga moskujdesja institucionale. Ani pse u patën themeluar dy komitete ndërministrore për restaurimin dhe konservimin e kompleksit memorial "Adem Jashari", investime nuk pati, njofton Klan Kosova. E meqë punë nuk u bë as në qeverisjen Haradinaj e as në atë Hoti, është kryeministri Kurti i cili në mbledhjen e qeverisë të mbajtur të hënën bashkë me ministrat e tij aprovojnë propozimin për themelimin e një komisioni të ri. Pos kësaj, qeveria Kurti në mbledhjen e nëntë të mbajtur, emëroi bordin drejtues të Agjencisë Rregullative të Komunikimeve Elektronike dhe Postare, duke shfuqizuar vendimin e Qeverisë Hoti. Në këtë takim u votua edhe nisma për lidhjen e marrëveshjes ndërkombëtare ndërmjet Qeverisë së Kosovës dhe Qeverisë së Arabisë Saudite mbi bashkëpunimin policor. https://www.youtube.com/watch?v=khjOdTdlkfE

klankosova.tv