The Guardian shkruan për "Mendoj për ty"

Gazeta britanike The Guardian, ia ka kushtuar një artikull instalacionit artistik “Mendoj për ty” të artistes Alketa Xhafa Mripa.

The Guardian shkruan rreth idesë së artistes kosovare, e cila ka mbledhur fustane në solidarizim me gratë, viktima të dhunës seksuale në luftën e fundit në Kosovë.

Kjo artiste konceptuale e ka transformuar fushën e futbollit në kryeqytetin e Kosovës në një instalim gjigant artistik, me mijëra fustane të varura në tela. Ky është një mesazh prekës dhe mjaft i fuqishëm për të mbijetuarat e dhunës seksuale.  Ekspozita “Mendoj për ty” do të hapet për vizitorët në stadiumin e qytetit të Prishtinës, të dielën në 16 vjetorin e ndërhyrjhes së forcave të NATO-s pas bombardimeve 3 mujore.

Përafërsisht 20,000 gra shqiptare – dhe disa burra- janë dhunuar nga ushtria, policia dhe paramilitarët serbë gjatë luftës së vitit 1999 në Kosovë, kur shqiptarët e luftuan regjimin Jugosllav të udhëhequr nga Slobodan Milosevic.

Alketa Xhafa Mripa, një kosovare me nënshtetësi britanike, ka thënë se ideja për instilacion ka ardhur përderisa ajo kishte dëgjuar rrëfimet e të mbijetuarave nga dhuna seksuale, zëri i të cilave rrallë herë u dëgjua, shkruan The Guardian, transmeton Klan Kosova.