Thaçi mungon edhe sot, konferenca për ecurinë e çështjes mbahet pa të

Ish-drejtori politik i Ushtrisë Çlirimtare të Kosovës, Hashim Thaçi për arsye shëndetësore as sot nuk është parë prezent në konferencën mbi ecurinë e çështjes së gjyqit ndaj tij dhe të tjerëve në Hagë. Thaçi nuk ishte i pranishëm fare në sallën e gjyqit virtual, anise tre të akuzuarit tjerë u panë pjesë e video-lidhjes, transmeton klankosova.tv. Zyra e Prokurorit të Specializuar njoftoi se pas 4 prillit 2025 nuk do të thërras asnjë dëshmitar në gjykimin ndaj Hashim Thaçit, Kadri Veselit, Rexhep Selimit dhe Jakup Krasniqit. Kjo u bë e ditur nga prokurori Matt Halling në konferencën e sotme.