Presidenti i vendit Hashim Thaçi ka thënë se situata e krijuar në komunat e veriut të Kosovës është e papranueshme dhe është rezultat i neglizhencës dhe papërgjegjshmërisë së Qeverisë së Kosovës për t’i ndihmuar e mbrojtur qytetarët dhe integritetin territorial të Kosovës.
Sipas tij, Qeveria e Kosovës nuk guxon të lejojë që komunat në pjesën veriore të Kosovës të funksionojnë jashtë kontrollit menaxhues të institucioneve dhe organeve kompetente për parandalimin e pandemisë COVID-19, duke iu krijuar kështu hapësirë ilegale vepruese autoriteteve të Serbisë brenda territorit të shtetit tonë, njofton Klan Kosova.
“Të gjitha masat e ndërmarra nga institucionet shëndetësore dhe ato të rendit e ligjit, Qeveria e Republikës së Kosovës e ka për detyrë të sigurohet që të zbatohen anekënd territorit të Republikës së Kosovës”.
“Si President i Republikës së Kosovës jam duke e përcjellë me shumë shqetësim situatën e krijuar në veriun e Republikës së Kosovës”.
“I bëj thirrje Qeverisë së Republikës së Kosovës që t’i përmbushë përgjegjësitë e saj ndaj qytetarëve tanë, të të gjitha komuniteteve, në tërë territorin e Republikës së Kosovës”.
Për t'u informuar më shumë rreth kësaj ngjarje, klikoni në linkun e mëposhtëm si dhe ndiqni videon në vijim.
https://klankosova.tv/veriu-i-mitrovices-dhe-zvecani-futen-ne-karantine/?fbclid=IwAR3jWUTs-rUQEYL4BREx3RHdsg4wdVCcx1YP2VOH3ZGH1tSTcDgozwTTURM
klankosova.tv
●●●
HSHKRIMI NGA
H.S
Editorial nga Klan Kosova — ndjek lajme dhe zhvillimet e tjera kryesore të vendit.
