Thaçi e shlyen njoftimin për dekorimin e disenjatores Kllokoqi Rugova

Presidenti i vendit, Hashim Thaçi, e ka shlyer nga Facebook-u njoftimin për dekorimin disenjatores Blerina Kllokoqi Rugova me Medalje Presidenciale. Rreth orës 11:40, në llogarinë e tij në Facebook u publikua një postim që tregonte se disenjatorja Kllokoqi Rugova është nderuar me medalje për kontributin e dhënë në fushën e artit, transmeton Klan Kosova. Ky ishte statusi i plotë i Presidentit Thaçi, i cili më nuk figuron në Facebook: "Me Medaljen Presidenciale të Meritave, sot e dekorova Blerina Kllokoqi-Rugovën për kontributin e dhënë në fushën e artit". "Gërshetimi i së bukurës me kërkesat kulturore dhe sociale në veshjet që dizajnon kreatorja e modës Blerina Kllokoqi-Rugova reflektojnë më së miri në sukseset që ajo ka arritur brenda dhe jashtë vendit. Kreatorja Blerina Kllokoqi-Rugova është ndër shembujt më të mirë për hapësirën që ofron Kosova për zhvillimin e talentit në këtë fushë". Për t’u informuar më shumë lidhur me këtë ngjarje, klikoni në linkun e mëposhtëm. https://klankosova.tv/hashim-thaci-dekoron-me-medaljen-presidenciale-te-meritave-blerina-kllokoqin-rugova/

klankosova.tv