Thaçi dhe zëvendëskryeministri i Maqedonisë: Marrëveshja në mes Greqisë dhe Maqedonisë krijon klimë të mirë rajonale

Presidenti Hashim Thaçi, sot ka pritur Zëvendëskryeministrin e Maqedonisë, Bujar Osmanin. Me rastin e arritjes së Marrëveshjes midis Greqisë dhe Maqedonisë lidhur me emrin e ri të shtetit fqinj, presidenti Thaçi ka thënë se çdo lajm i mirë nga Maqedonia është lajm i  mirë edhe për Kosovën. “Kjo marrëveshje krijon klimë të mirë rajonale dhe hap perspektivë euroatlantike për shtetet e Ballkanit”, u shpreh i pari i Kosovës. Thaçi dhe Osmani kanë biseduar edhe për zhvillimet aktuale në Maqedoni, ku forcat politike shqiptare po luajnë rol pozitiv rreth avancimit të të drejtave politike dhe sociale. Marrëveshja midis Greqisë dhe Maqedonisë konsiderohet më e rëndësishmja pas asaj të Ohrit, transmeton Klan Kosova.