Tetëvjeçarja nxjerr flokët e veta për shkak të stresit nga COVID-19

Një tetëvjeçare ka mbetur pothuajse tullace pasi stresi i pandemisë dhe ndërprerjet e shkollës i shkaktuan asaj një çrregullim të pazakontë të tërheqjes së flokëve, pohojnë familja e saj. Amelia Mansie, nga Briston, filloi t’i shqyej qërpikët e saj prillin e kaluar pasi u shqetësua gjatë bllokimit të parë mbarëkombëtar. Ajo më pas nisi ta bëjë të njëjtën gjë me flokët e saj, sipas nënës Jemma, e cila beson se ishte rezultat i pamundësisë për të parë miqtë dhe familjen. Amelia përfundimisht u diagnostikua me trichotillomania përmes telefonit pasi luftoi për të bërë një takim ballë për ballë me një mjek të përgjithshëm. Por pavarësisht diagnozës së saj dhe kthimit të shkollave, e reja nuk ka qenë në gjendje të heqë dorë nga zakoni. Trichotillomania, që mendohet se prek deri në një në 50 njerëz në shkallë të ndryshme, sheh që njerëzit zhvillojnë një impuls të fortë për të hequr flokët e tyre. Është e ngjashme me çrregullimin obsesiv -kompulsiv (OCD) dhe zakonisht shkaktohet nga stresi, ankthi ose trauma. Tani Amelia ka vetëm disa fije të gjata flokësh të mbetura në pjesën e prapme të kokës dhe nuk do të largohet nga shtëpia pa vendosur një shami ose paruke, transmeton Klankosova.tv.