Tetë të plagosur nga një sulm rus në Donetsk të Ukrainës

Donetsku i Ukrainës është goditur sot nga një sulm ajror rus.

Sipas autoriteteve ukrainase, nga ky sulm janë lënduar tetë persona, dy nga të cilët janë fëmijë, raporton SkyNews, transmeton Klankosova.tv.

“Të paktën tetë civilë, përfshirë dy fëmijë, u plagosën në një sulm ajror në një ndërtesë të lartë. Objektivi i sulmit ishte një zonë banimi me popullsi të dendur”, thanë autoritetet ukrainase.

Tutje, ato gjithashtu kanë bërë të ditur se gjashtë nga të plagosurit nga ky sulm ishin gra.