Tetë ndeshje pa fitore për Ferizajn, statistikat flasin keq për të

Ferizaj të shtunën ka zhvilluar ndeshjen e xhiros së 14-të në Superligën e Kosovës në futboll, duke barazuar 1 me 1 me Drenicën. Për Ferizajn, kjo ishte ndeshja e tetë rresht që nuk ka arritur fitore, ku gjatë kësaj ecurie, ka pesë humbje e tre barazime. Kjo skuadër së fundmi ka angazhuar trajnerin kroat Andrej Panadic, i cili në krye të Ferizajt zhvilloi ndeshjen e katërt, një barazim e tre humbje. Bashkë me Dukagjini, Ferizaj ka sulmin më të dobët me vetëm nga 11 gola të shënuar, kurse edhe mbrojtjen më të dobët e ka kjo skuadër me 27 gola të pranuar. Ferizaj aktualisht pozicionohet në vendin e fundit në tabelë, të dhjetin me vetëm nëntë pikë nga 14 ndeshje, ka vetëm një fitore, gjashtë barazime e shtatë humbje. Përballjen e radhës e zhvillon në Podujevë ndaj Llapit.