Tentoi t’i presë gishtat djalit 5-vjeçar, nëna me probleme mendore arrestohet në Janjevë

Një ngjarje e rëndë ka ndodhur së fundmi në Janjevë të Lipjanit. Policia e Kosovës ka njoftuar se një fëmijë i mitur është dërguar në QKUK në gjendje jo të mirë shëndetësore, pasi dyshohej se ishte i neglizhuar nga prindërit. Gazetarja e Klan Kosovës, Endrita Bajrami, ka shkuar pranë shtëpisë së familjes dhe raporton se nëna ka tentuar t’i presë gishtërinjtë djalit me sëpatë. Sipas informacioneve të gazetares, nëna e arrestuar ka probleme mendore. Po ashtu, bëhet e ditur se fëmija po vazhdon të qëndrojë në QKUK ku edhe po trajtohet. Ndërkohë, autoritetet kanë ndërmarrë veprime të menjëhershme, duke arrestuar dy prindërit si të dyshuar për neglizhencë. Pas intervistimit, me vendim të prokurorit, ata janë dërguar në mbajtje, raporton Klankosova.tv. https://klankosova.tv/djali-perfundon-ne-qkuk-ne-gjendje-jo-te-mire-prinderit-arrestohen-per-neglizhence-ne-lipjan/