Tenisi nxit debat në media, topi me të cilin luhet ka ngjyrë të verdhë (FOTO)

Një nga sportet më fitimprurëse në botë, tenisi, ka shërbyer së fundi për një debat të ri në mediat sociale.

Kjo pasi përdoruesit e Twitter me shumë pasion kanë debatuar gjatë për të specifikuar ngjyrën e cila i takon topave të tenisit, njofton Klan Kosova.

Në mesin e alternativave në debat, kishte vetëm dy lloje ngjyrash të cilat krijuan polemikë mes miqve- e gjelbra apo e verdha.

Madje në këtë debat të nxehtë u kyç edhe super ylli Roger Federer, duke tërhequr edhe më shumë diskutimin.

Tetë herë fituesi i Wimbledonit ofroi zgjidhje një të verdhë të zymtë kur u pyet nga një tifoz i tij.

Megjithatë, mendimi i tij bëri shumë pak për të shuar debatin.

Një person ka shkruar në Twitter: ''Topat e tenisit janë të gjelbër. Roger Federer e ka gabim''.

Një tjetër ka shkruar: ''Gjithmonë kam menduar se topat e tenisit ishin të gjelbërta, por nëse Roger Federer thotë se ata janë të verdhë, kush duhet ta kundërshtojë?''.

Ndërsa për të zgjidhur këtë mister, sipas publikimeve zyrtare, topat e tenisit duhet të kenë masë në rangun 56.0-59.4 g.

Sipas tyre ngjyra e verdhë dhe e bardhë janë ngjyrat e vetme të miratuara nga ITF dhe shumica e topave të prodhuara janë një verdhë fluoreshente e njohur si "E verdhë optike", e prezantuar për herë të parë në vitin 1972 pas hulumtimeve që tregojnë se ato ishin më të dukshme në televizion, njofton Klan Kosova.