Ten Hag mund të kthehet në Premier League

Wolverhampton Wanderers thuhet se ka identifikuar ish-trajnerin e Manchester United, Erik ten Hag, si një zëvendësues të mundshëm për Vítor Pereiran, i cili u shkarkua së fundmi. Wolves u ndanë me trajnerin 57-vjeçar të dielën, një ditë pas humbjes 3-0 ndaj Fulhamit. Klubi ndodhet në vendin e fundit të renditjes së Premier League, pa asnjë fitore në sezonin 2025–26, ata kanë dështuar të fitojnë në 10 ndeshjet e para të ligës për të dytin vit radhazi. Megjithëse mendohet se Wolves po shqyrtojnë mundësinë e një ribashkimi me ish-trajnerin Gary O’Neil, "The Athletic" raporton se edhe Ten Hag po “merret në konsideratë” si një zëvendësues i mundshëm për Pereiran. Trajneri holandez aktualisht është i lirë, pasi Bayer Leverkusen e shkarkoi në shtator, pas vetëm dy ndeshjeve në krye të skuadrës në Bundesligë. 55-vjeçari më parë kishte drejtuar Manchester United për gati dy vjet e gjysmë, përpara se të shkarkohej tetorin e vitit të kaluar, duke përfunduar një periudhë të trazuar me 20-herë kampionët e Anglisë./Klankosova.tv