Temperaturat fillojnë të bien, pesë ndryshimet fizike dhe mendore që ndodhin

Temperaturat po bien ngadalë dhe kjo ka një ndikim të madh në trupin tonë. Këtu janë disa ndryshime që mund të shohim kur merkuri në termometër fillon të bjerë. Rënia e flokëve “Një ndryshim i papritur i temperaturës mund të stresojë lëkurën e kokës dhe gjëndrat e flokëve, duke rezultuar në rënien e përshpejtuar të flokëve”, thotë mjeku Anil Sharma. "Ndërsa kalojmë në muajt më të ftohtë, humbja e flokëve rritet ndërsa trupi punon për të ruajtur nxehtësinë." shton ai. Për ta parandaluar këtë, Sharma këshillon të masazhoni lëkurën e kokës dhe të përdorni një serum që përmban përbërës si centella asiatica, që ndihmon në kontrollin e prodhimit të sebumit, ose acid laktik, i cili eksfolon butësisht lëkurën e kokës. Ai gjithashtu rekomandon të hani shumë zarzavate me gjethe. Humori i keq dhe energjia Disa njerëz tregojnë shenja të çrregullimit afektiv sezonal (SAD) kur moti ndryshon papritur. "Pikëllimi mund të shfaqet me simptoma të ngjashme me depresionin, si humori i ulët ose mungesa e interesit dhe kënaqësisë për gjërat që normalisht do t'i gëzonit. Simptoma të tjera përfshijnë nervozizëm, dëshirë të ulët seksuale dhe mungesë energjie," thotë Dr Jon Van Niekerk për The Independent. Nëse ndryshimet e stilit të jetesës, të tilla si ushtrimet e rregullta dhe kalimi i më shumë kohë jashtë, nuk janë efektive në trajtimin e humorit tuaj të ulët, biseda me një profesionist mund të ndihmojë, shkruan Index.hr, transmeton Klankosova.tv. Dhimbjet e kyçeve “Moti i ftohtë mund t’i bëjë nyjet të dhimbshme”, thotë reumatologia Veena Patel. Shpjegimet e mundshme për këtë fenomen përfshijnë ndryshimet në sinovium, indet e buta që rreshtojnë artikulacionin dhe prodhojnë lëng lubrifikues. Një shpjegim tjetër mund të jetë një rënie e presionit barometrik që çon në zgjerimin dhe ënjtjen e muskujve dhe tendinave. Patel rekomandon marrjen e rregullt të suplementeve të vitaminës D për të mbajtur kockat tuaja të forta gjatë motit të ftohtë. Lëkurë e thatë "Lëkura e thatë është tepër e zakonshme në muajt e ftohtë sepse ka më pak lagështi në ajër, që do të thotë se lëkura ka më pak lagështi për t'u mbajtur. Nuk është vetëm ajri i ftohtë që shkakton lëkurën e thatë, por edhe ngrohja dhe dushi i nxehtë." shpjegon doktoresha Leah Totton. Lëkura e thatë shfaqet më shpesh në zonat e ekspozuara, si fytyra dhe duart. Astma “Ajri i ftohtë mund ta përkeqësojë astmën dhe vështirësitë në frymëmarrje, duke shkaktuar ngushtim dhe tharje të rrugëve të frymëmarrjes dhe duke shkaktuar inflamacion”, thotë mjeku Vijay Murthy. “Për ata që vuajnë nga astma, gjatë muajve të ftohtë rekomandoj të mbajnë inhalatorët e tyre afër, të jenë të vetëdijshëm për mjedisin e tyre (shmangni hapësirat e vogla ose hapësirat e mbushura me njerëz), të mbajnë higjienë të mirë të duarve dhe, nëse nuk janë mirë për një kohë, të kërkojnë këshilla mjekësore”. përfundon Dr. Unnati Desai.