Temperaturat e larta në vend, mjekja Dollenberg jep këshilla për përballimin e të nxehtit (VIDEO)

Pas rritjes së temperaturave deri në 34°C gjatë kësaj jave, mjekja Aurora Dollenberg ka dhënë disa këshilla të rëndësishme për të përballuar valën e të nxehtit që ka përfshirë vendin. “Ajo që konsumojmë është baza kryesore për të furnizuar trupin me elementet e nevojshme, që të jemi të fuqishëm për të përballuar të nxehtin. Duhet të pimë ujë dhe lëngje për të luftuar dehidratimin”,  theksoi mjekja, në emisionin “Ora 7” në Klan Kosova. Ajo bën thirrje për vetëdijësim, veçanërisht te grupet më të ndjeshme, si të moshuarit, të cilët mund të përballen me simptoma shqetësuese si dhimbje koke, marramendje, të vjella apo temperatura të larta. “Këto simptoma nuk duhet të neglizhohen, pasi janë pasojë e ndikimit të nxehtësisë që vjen nga ngritja e tokës”, shton Dollenberg, transmeton Klankosova.tv. Ndiqni intervistën e plotë, në videon vijuese: https://youtu.be/40No5NwRAUI