Sipas Presidentit Donald Trump, Shtetet e Bashkuara të Amerikës kanë kryer sulmin e parë tokësor ndaj Venezuelës.
Trump tha se sulmi u krye në prag të Krishtlindjeve dhe kishte në shënjestër një strukturë që dyshohet se strehonte anije droge, raporton Telegraph, transmeton Klankosova.tv
Duke folur për Fox News, presidenti amerikan e përshkroi operacionin në më shumë detaje. "Ata kanë një fabrikë të madhe, ose një strukturë të madhe nga vijnë anijet. Dy netë më parë, ne e shkatërruam atë. Kështu që i goditëm shumë fort", tha Trump.
Nëse ky informacion konfirmohet, ky do të jetë sulmi i parë në tokën venezueliane që kur Uashingtoni filloi një fushatë për të rrëzuar Presidentin Nicolas Maduro. Qeveria ose zyrtarët venezuelianë atje ende nuk e kanë njoftuar publikisht sulmin tokësor të SHBA-së. /Klankosova.tv
●●●
VZSHKRIMI NGA
Vanesa Zhugolli
Editorial nga Klan Kosova — ndjek lajme dhe zhvillimet e tjera kryesore të vendit.
