Tejkalojnë në vijë të plotë, kundërvajtësve u merren patentë shoferët

Policia në Gjilan tre shoferëve u ka shqiptuar gjoba, pikë negative, si dhe u ka hequr patentë shoferin për tre muaj.

Në njoftimin e policisë thuhet se kjo ka ndodhur për shkak se personat në fjalë kanë tejkaluar në vijë të plotë, dhe kanë rënë ndeshë me rregullat e trafikut.

"Me këtë rast ndaj tre kundërvajtësve veç e veç ka shqiptuar gjoba në vlerë prej 150 eurove, shqiptuar nga dy pikë negative dhe ndaj që të tre kundërvajtësve ka shqiptuar masën mbrojtëse të heqjes së patentë shoferit në afat prej tre muaj", thuhet në njoftimin e PK-së.