Teatri Kombëtar i Kosovës shpreh ngushëllime për vdekjen e aktorit Luran Ahmeti

Teatri Kombëtar i Kosovës i shpreh ngushëllime familjes Ahmeti, miqve, kolegëve si dhe gjithë komunitetit artistik, për vdekjen e aktorit Luran Ahmeti. Në njoftimin e publikuar nga Teatri në rrjetin social Facebook thuhet se Luran Ahmeti, ishte nga ëndërruesit e mëdhenj të teatrit dhe filmit, krijues i cili me kontributin e tij profesional, la gjurmë të pashlyeshme në kulturën shqiptare dhe më gjerë. "Kontributi i tij në zhvillimin e artit teatror, rolet e shumta të luajtura në skenat e teatrit, rolet e tij të shumta në seriale brenda dhe jashtë vendit, portretizimi i roleve të shumta në filma përkrah yjeve botërore, do të na bëjnë të ndihemi krenarë përherë. Përulemi para punës dhe veprës tënde. I përhershëm kujtimi për ty!", thuhet në njoftim.