Të shtëna me armë zjarri në Tiranë, plagoset 40 vjeçari

Një 40 vjeçar është plagosur të dielen mbrëma në Tiranë. Sipas policisë, viktima gjendet në spital dhe është jashtë rrezikut për jetën. Lidhur me rastin tashmë organet e rendit atje i kanë nisur hetimet. Në njoftim nuk jepen detaje më shumë se si ka ndodhur ngjarje, por policia bën të ditur se i plagosuri është M.J. Njoftimi i plotë i policisë: Rreth orës 22:20, është paraqitur në spital shtetasi M. J, rreth 40 vjeç, i plagosur në këmbë dyshohet me armë zjarri, në rrugën “Ramadan Citaku”, në Institut. Shtetasi M. J, aktualisht ndodhet nën kujdesin e mjekëve. Grupi hetimor dhe shërbimet e Policisë kanë shkuar menjëherë në vendngjarje dhe punohet për identifikimin e kapjen e autorit dhe sqarimin e rrethanave të rastit.