Të shtëna me armë zjarri në Podujevë

Të shtëna me armë zjarri kanë ndodhur dje në Podujevë, ku më pas njësitë policore kanë ndaluar për kontroll një veturë me targa vendore me të cilën ishin dy të dyshuar. Gjatë kontrollit të veturës dhe personave, policia ka njoftuar se janë gjetur dhe konfiskuar dy revole dhe 15 copë fishekë. “Pas pranimit të informatës për të shtëna me armë zjarri, njësitë policore kanë ndaluar për kontroll një veturë me targa vendore me të cilën ishin dy të dyshuar meshkuj kosovarë”. “Gjatë kontrollit të vetures dhe personave janë gjetur dhe konfiskuar dy revole dhe 15 copë fishekë. Në vendin e ngjarjes ku ishin raportuar të shtëna me armë në cilësi të provave materiale janë gjetur dhe konfiskuar 5 gëzhoja.  Me vendim të prokurorit  të dyshuarit janë dërguar në mbajtje”, thuhet tutje në raportin e policisë.