Të shtëna me armë në një dasmë në Vushtrri, arrestohet një person

Të shtëna me armë zjarri kanë ndodhur në një dasmë në Vushtrri, ku është arrestuar një person. Policia ka bërë të ditur se te i njëjti është gjetur dhe konfiskuar një armë, një fishek dhe gjashtë gëzhoja. “Raportohet për të shtëna me armë zjarri në një aheng-dasme, është arrestuar një person i dyshuar m/k i cili dyshohet që ka shtënë me armë zjarri. Në posedim të personit të dyshuar është gjetur dhe konfiskuar një armë e llojit Zaraki, një  fishek dhe gjashtë gëzhoja të kalibrit 9 mm”. “Pas intervistimit i dyshuari me vendim të Prokurorit lirohet në procedurë të rregullt. Rasti nën hetime”, thuhet në raportin e policisë./Klankosova.tv