Lajmet e fundit
Të reshurat pothuajse të pandërprera të shiut që nisën ditë më parë, por me intensitet të shtuar nga mbrëmja mes të hënës dhe të martës (5 dhe 6 janar), kanë shkaktuar dëme të mëdha materiale në shumë komuna të vendit.
Derisa nëpër disa zona po raportohet se gjendja ka nisur të përmirësohet, ka të tjera që janë ende në gjendje të rëndë.
Lexues të Klankosova.tv kanë dërguar pamje nga Pirana e Prizrenit, e cila zonë shihet të jetë në masë të madhe e mbuluar nga uji.
Deri më tani, nuk është raportuar për viktima të shkaktuara nga vërshimet, por dëmet materiale në mbarë vendin vlerësohet të jenë goxha të mëdha. /Klankosova.tv
