Të paktën dy fëmijë theren për vdekje çdo muaj në Angli

Një studim kombëtar ka zbuluar se të paktën dy fëmijë vdesin nga plagët me thikë çdo muaj në Angli. Një analizë e parë e këtij lloji zbuloi një rritje të vdekjeve nga thika tek të rinjtë nën 17 vjeç, duke u rritur nga 21 në 2019/20 në 36 në 2023/24. Shumica ishin djem të moshës rreth 14 vjeç dhe shumica nga zona me nivele më të larta varfërie. Duke përdorur të dhëna nga Baza e të Dhënave Kombëtare të Vdekshmërisë së Fëmijëve, si dhe të dhëna spitalore, kujdesi social dhe policie, studiuesit në Shkollën Mjekësore të Bristolit zbuluan se 90% e 145 vdekjeve totale gjatë periudhës pesëvjeçare ishin meshkuj. Rreth një e treta e atyre që vdiqën (32%) ishin me ngjyrë dhe një e treta tjetër (31%) ishin të bardhë, ndërsa 110 (75%) ishin nga zonat më të varfra të vendit. Përfshirja e bandave u përmend në një të tretën e dosjeve të rasteve, shkruan Sky Neës, transmeton Klankosova.tv. Autori kryesor Dr. Tom Roberts, një klinicist i urgjencës në North Bristol NHS Trust, tha se të dhënat zbuluan një "nevojë urgjente" për të mbështetur fëmijët që përballen me vështirësi ndërsa rriten. Ai paralajmëroi: “Pavarësisht kontaktit të shpeshtë me shërbimet, shumë fëmijë nuk morën mbështetje të synuar për përvojat negative të fëmijërisë, veçanërisht dhunën në familje dhe abuzimin, duke zbuluar boshllëqe të mëdha në ndërhyrjen e hershme”.