Lajmet e fundit
Sulmet izraelite në Gaza vranë të paktën 20 palestinezë të shtunën, thanë zyrtarët lokalë të shëndetësisë, ndërsa Katari shprehu shpresën për një moment të ri në përpjekjet për të arritur një marrëveshje armëpushimi midis Izraelit dhe Hamasit.
Ushtria izraelite nuk komentoi menjëherë mbi sulmet e raportuara në qytetin e Gazës dhe Rafah. Të paktën tetë nga viktimat ishin civilë, sipas banorëve dhe mjekëve. Ishte e paqartë nëse pjesa tjetër e të vrarëve ishin luftëtarë.
Kryeministri dhe ministri i Jashtëm i Katarit, Sheikh Mohammed bin Abdulrahman Al Thani, tha se Katari po angazhohej me administratën e ardhshme Trump për situatën në Gaza, pasi ndjeu një moment të ri për bisedimet e armëpushimit pas zgjedhjeve në ShBA.
I dërguari i Donald Trump për Lindjen e Mesme ka udhëtuar në Katar dhe Izrael për të nisur shtytjen diplomatike të presidentit të zgjedhur të SHBA-së për një armëpushim dhe marrëveshje për lirimin e pengjeve përpara inaugurimit të tij më 20 janar, shkruan Reuters, transmeton Klankosova.tv.
