Të paktën 17 të vrarë në një sulm izraelit në Gaza

Drejtoria e Mbrojtjes Civile të Gazës ka thënë se të paktën 17 persona u vranë, duke përfshirë gra dhe fëmijë, në një sulm raketor izraelit sot në qendër të Gazës.

Viktimat përfshinin tetë fëmijë dhe më shumë se 30 persona të tjerë të plagosur, sipas zëdhënësit të Mbrojtjes Civile, Mahmoud Basal, i cili shtoi se ka ende njerëz të zhdukur, shkruan CNN, transmeton Klankosova.tv.

Ai tha gjithashtu se pati një sulm me raketa izraelite në shkollën Al-Zaytoun "e cila strehon mijëra njerëz të zhvendosur nga lagjja Al-Zaytoun, në juglindje të Gazës".

Forcat e Mbrojtjes të Izraelit thanë se avionët kryen një sulm në një kompleks shkolle në qendër të Gazës, e cila sipas tyre, përdorej nga Hamasi si qendër komandimi.