Në çerekfinalen e Ligës së Kampionëve të UEFA-s, Barcelona u mposht nga Atlético Madrid, por hierarkia e klubit katalanas është e pakënaqur me arbitrimin.
Presidenti i Barcelonës, Joan Laporta, ka deklaruar se klubi synon të paraqesë një ankesë tjetër në UEFA në lidhje me arbitrimin në ndeshje, transmeton Klankosvoa.tv
“Nuk mund ta pranojmë këtë. Ne kemi paraqitur tashmë një ankesë në UEFA dhe besoj se do të paraqesim një tjetër”, citohet të ketë thënë Laporta nga Fabrizio Romano.
Më parë raportuam se pas ndeshjes ai pretendoi se Barcelonës i ishte vjedhur fitorja, duke përmendur arbitrim jashtëzakonisht të dobët. Ai gjithashtu aludoi në një teori konspiracioni, duke deklaruar se donte të kuptonte pse të gjithë kanë frikë se Barcelona do të vijë dhe do të fitojë. /Klankosova.tv
●●●
VZSHKRIMI NGA
Vanesa Zhugolli
Editorial nga Klan Kosova — ndjek sport dhe zhvillimet e tjera kryesore të vendit.
