Të hënën nis "Defender 23", Rama: Shqipëria do të luajë një rol kyç në këtë stërvitje (VIDEO)

Kryeministri i Shqipërisë, Edi Rama, ka bërë të ditur se do të nis stërvitja e përbashkët shumëkombëshe drejtuar nga Komanda Europiane e ShBA.

Ai përmes një postimi në Facebook ka thënë se përmes kësaj stërvitje do të demonstrohen aftësitë ndërvepruese të Shteteve të Bashkuara me ushtritë aleate dhe partnere të NATO-s, përcjell Klankosova.tv.

"Nis stërvitja e përbashkët shumëkombëshe drejtuar nga Komanda Europiane e SHBA, ku do të demonstrohen aftësitë ndërvepruese të Shteteve të Bashkuara me ushtritë aleate dhe partnere të NATO-s", tha ai.

Tutje, ai shkroi se Shqipëria, si partner i besueshëm dhe si nyje strategjike e sigurisë rajonale, siç u shpreh ai, do të luajë një rol kyç në këtë stërvitje të rëndësishme.

"Shqipëria, si partner i besueshëm dhe si nyje strategjike e sigurisë rajonale, do të luajë një rol kyç në këtë stërvitje të rëndësishme, duke treguar angazhimin tonë maksimal për paqen dhe stabilitetin në rajon", ka shkruar tutje ai.

Rrini të informuar mbi zhvillimet kryesore duke u bërë pjesë e komunitetit tonë në Viber.

BONUS: Merreni aplikacionin tonë në Android dhe iOS.