Lajmet e fundit
Të pesë presidentët e gjallë të ShBA-së janë fotografuar së bashku në funeralin e Jimmy Carterit.
Presidenti i 39-të i ShBA-së vdiq në moshën 100-vjeçare më 29 dhjetor, në qytetin e tij të lindjes, Plains, Georgia.
Presidenti aktual, Joe Biden, i dha një eulogji kolegut të tij demokrat në funeralin shtetëror në Katedralen Kombëtare të Uashingtonit.
Ai u shfaq përkrah presidentit të zgjedhur Donald Trump dhe ish-presidentëve të tjerë Barack Obama, George W Bush e Bill Clinton dhe bashkëshorteve të tyre.
Zëvendëspresidentja Kamala Harris, e cila humbi zgjedhjet e viti 2024 nga Trumpi, ishte gjithashtu ulur me grupin së bashku me bashkëshortin e saj. Është hera e parë që kandidatja demokrate është parë me presidentin e zgjedhur që nga zgjedhjet atje dhe pasi ajo vërtetoi fitoren e Trumpit në zgjedhje të hënën.
Para shërbimit, Trump u pa gjithashtu duke shtrënguar duart me ish-zëvendëspresidentin Mike Pence - hera e parë që dyshja janë parë në publik së bashku që nga largimi nga Shtëpia e Bardhë më 2021.
Para kësaj, Pence kishte refuzuar të mbështeste pretendimin e Trumpit se ai kishte fituar zgjedhjet e vitit 2020.
Obama dhe Trumpi u panë gjithashtu duke biseduar para fillimit të ceremonisë.
Gjatë eulogjisë së tij, Biden tha se Carter i mësoi atij rëndësinë e trajtimit të "të gjithëve me dinjitet dhe respekt".
"Për të rinjtë, për këdo në kërkim të kuptimit dhe qëllimit, studioni fuqinë e shembullit të Jimmy Carter", tha presidenti. "Karakteri, besimi, dashuria - një patriot i vërtetë".
