Taylor Swift – artistja më e dëgjuar e Spotify në Mbretërinë e Bashkuar për 2022

Këngëtarja e muzikës pop Taylor Swift është shpallur artistja më e dëgjuar në Mbretërinë e Bashkuar në platformën Spotify për vitin 2022. Në vetëm pak muaj pas publikimit, albumi “Midnights” i Swift ka arritur të grumbullojë mbi 805 milionë dëgjime në MB, ndërsa suksesi nuk ishte edhe krejt rastësi, pasi që ekipi i këngëtares i kishte bërë një super marketing. Fushata globale e marketingut të “Midnight” jo vetëm në Spotify, bëri që albumi të shfaqej në billboardët më të mëdhenj në mbarë Shtetet e Bashkuara të Amerikës, Britani të Madhe, Francë, Gjermani dhe vendet më me nam, shkruan Complex, transmeton Klankosova.tv. Taylorit i bashkohen edhe artistë të tjerë më të dëgjuar si: Ed Sheeran, Harry, Dave, Arctic Monkeys dhe D-Block Europe, të cilët u zbuluan si pjesë e njoftimit të “Spotify’s Wrapped”. Muajin që lamë pas, Taylor u bë artistja e parë në historinë e muzikës që fitoi të dhjetë pozitat e para të listës së famshme “Billboard Hot 100”.