Tashmë dihet se cili do të jetë trendi më i madh në botën e ushqimit në 2024-ën

Duke përdorur të dhëna për tendencat e kërkimit nga rreth 482 milionë përdorues, Sydney Stanback i Pinterest dhe ekipi i saj i ekspertëve përgatitën një listë të quajtur "Pinterest Parashikon 2024". Është një udhëzues që tregon se çfarë u kërkua më shumë në këtë platformë të njohur nga muzika dhe moda deri te ushqimi dhe pijet. Ajo që u kërkua më shumë ka potencialin të bëhet një trend i madh në vitin e ardhshëm, dhe kur bëhet fjalë për ushqimin dhe pijet, më të kërkuarat ishin ushqimet dhe pijet me temë pushimesh tropikale. Pra, specialitetet tropikale parashikohen të jenë shumë të njohura në vitin 2024, transmeton Klankosova.tv. Popullaritet i madh i pjatave dhe pijeve tropikale Sipas një raporti të Pinterest, për "mocktails pineapple"  është shënuar lëvizje prej 70 për qind në kërkime, ndërsa "torta me ananas" pa një lëvizje prej 50 për qind. "Coconut Aesthetic" gjithashtu u rrit me 35 për qind, ashtu si dhe "Pula Hawaiane" e ëmbël me ananas. Përveç kësaj, një tjetër trend në botën e ushqimit është në horizont dhe bëhet fjalë për kombinimin e pjatave që në fillim duken krejtësisht të papajtueshme, por në fakt janë pjata shumë të shijshme dhe bashkohen mirë. Vetëm disa shembuj të kësaj përfshijnë burger quesadillas, carbonara ramen dhe cheeseburger tacos.