Tarifat ndaj Kosovës, Gërxhaliu: Kanë qenë të pritshme masat e tilla (VIDEO)

Presidenti i Shteteve të Bashkuara, Donald Trump, njoftoi të mërkurën se SHBA-ja do të vendosë një tarifë bazë prej 10 për qind për importet nga të gjitha vendet e botës, përfshirë nga Kosova dhe vendet e tjera të Ballkanit Perëndimor. Lidhur me këtë, ekonomisti Safet Gërxhaliu thotë se është shqetësuese analizimi i masave vetëm në aspektin ekonomik, duke lënë anash aspektin politik, gjeostrategjik, dhe në veçanti në aspektin e sigurisë, transmeton Klankosova.tv. “Në parim të parë besoj që ky paralajmërim ka qenë i mëhershëm, dhe vet fakti që ka filluar një epokë e re, apo një rirenditje e re globale me trumpizmin, Evropa dhe shumë shtete të tjera i kanë pritur masat e tilla”. “Në rend të dytë, është shqetësuese që këto masa masa përballë Evropës dhe vendeve të Ballkanit Perëndimor analizohen vetëm në aspektin ekonomik, por jo edhe në aspektin politik, gjeostrategjik, dhe në veçanti në aspektin e sigurisë në Evropë”, tha Gërxhaliu në emisionin “Ora Shtatë”. Tutje, ai thotë se është interesante komentimi i efekteve të këtyre masave në aspektin e tregtisë klasike, mirëpo anashkalohet rëndësia e shërbimeve. https://www.youtube.com/watch?v=YXPYh2rqFZw&t=6226s