Tajvani nuk i vendos tarifa ShBA-së, premton më shumë investime

Presidenti i Tajvanit, Lai Ching-te të dielën nuk vendosi tarifa si bazë për bisedimet me SHBA-në, duke u zotuar për heqjen e barrierave tregtare në vend të vendosjes së masave reciproke dhe duke thënë se kompanitë tajvaneze do të rrisin investimet e tyre në Shtetet e Bashkuara të Amerikës. Presidenti Donald Trump njoftoi të mërkurën tarifa të përgjithshme të importit, me tarifa shumë më të larta për dhjetëra partnerë tregtarë, përfshirë Tajvanin, i cili ka një suficit të madh tregtar me SHBA-në dhe përballet me një tarifë prej 32% për produktet e saj. Tarifat e SHBA-së, megjithatë, nuk zbatohen për gjysmëpërçuesit, një eksport kryesor tajvanez, shkruan “Reuters” transmeton Klankosova.tv. Në një video-mesazh të lëshuar nga zyra e tij pas takimit me drejtuesit e kompanive të vogla dhe të mesme në rezidencën e tij, Lai tha se duke pasur parasysh varësinë e Tajvanit nga tregtia, ekonomia në mënyrë të pashmangshme do ta kishte të vështirë të përballej me tarifat, por se ai mendonte se ndikimi mund të minimizohej.