Lajmet e fundit
Kryeministrja e Tajlandës është shkarkuar nga Gjykata Kushtetuese, duke zhytur politikën e vendit në trazira dhe duke goditur një nga dinastitë më të fuqishme politike të vendit.
Paetongtarn Shinawatra u shkarkua për shkelje të etikës pas një telefonate të publikuar në qershor, ku dëgjohej duke iu referuar ish-liderit të Kamboxhias, Hun Sen, si "xhaxha", dhe duke kritikuar ushtrinë tajlandeze, në një kohë kur tensionet kufitare me Kamboxhian po përshkallëzoheshin, raporton BBC, transmeton Klankosova.tv.
Telefonata u publikua nga vetë Hun Sen, gjë që dëmtoi rëndë reputacionin e saj, dhe kritikët e akuzuan atë për minimin e autoritetit të ushtrisë tajlandeze.
Me këtë vendim, Paetongtarn, vajza e ish-kryeministrit Thaksin Shinawatra, bëhet kryeministrja e pestë që shkarkohet nga gjykata që nga viti 2008.
