Tajlanda raporton numrin më të lartë të vdekjeve që nga fillimi i pandemisë

Tajlanda këtë të diel ka regjistruar 1 mijë e 940 raste të reja me COVID-19, sipas ministrisë së Shëndetësisë. Gjatë 24 orëve të fundit në Tajlandë janë regjistruar 21 vdekje për të dytën ditë më radhe - teksa kjo llogaritet si numri më i lartë ditorë për numër të viktimave që nga fillimi i pandemisë, shkruan Reuters, transmeton Klan Kosova. Tajlanda kryesisht kontrolloi virusin në fillim të pandemisë përmes mbylljes dhe kontrolleve të rrepta të kufirit. Por një valë e tretë vdekjeprurëse që fillon në fillim të prillit përfshin variantin shumë të transmetueshëm B.1.1.7 dhe ka përbërë rreth gjysmën e rasteve dhe vdekjeve totale. Numri i përgjithshëm i të infektuarve në Tajlandë ka arritur në 68 mijë e 984 teksa numri i viktimave në 245. Tailanda ka vaksinuar gati 1.5 milion njerëz deri më tani, kryesisht punëtorë mjekësorë dhe njerëz me sëmundje kronike, duke përdorur doza të importuara të vaksinave të Kinës Sinovac dhe AstraZeneca. Një program i vaksinimit masiv do të fillojë në qershor me doza të prodhuara në vend AstraZeneca. Regjistrimi i vaksinave u hap për publikun këtë fundjavë me një qëllim të inokulimit të 70 përqind të të rriturve në vendin me më shumë se 66 milion njerëz.