Tahiri (AAK): Ligji i Pagave të hyjë në fuqi më së largu më 1 shkurt

Shefi i Grupit Parlamentar të Aleancës për Ardhmërinë e Kosovës, Besnik Tahiri në një konferencë për media ka folur për Ligjin e Pagave. Ai është shprehur se ky ligj duhet të hyjë në fuqi më së largu më 1 shkurt, përcjell Klankosova.tv. Gjithashtu u shpreh se edhe procedurat e kuvendit duhet të përfundojnë sa më shpejtë. "Ligji i Pagave duhet të hyjë në fuqi më së largu me 1 shkurt, që nënkupton procedurat në Kuvendit e Kosovës duhet të përfundojnë sa më shpejtë që është e mundur", u shpreh tutje ai. Tahiri tutje ka kërkuar që koeficienti në Ligjin e Pagave të ketë vlerën 129 euro, përcjell Klankosova.tv. "Nenet që rrezikojnë të drejten e Ligjit për Paga dhe Ligjit për Zyrtarë Publik, të cilat rrezikojnë që të dergohen në Gjykatë Kushtetuese, të rregullohen mes dy leximeve në Kuvend", u shpreh tutje Tahiri.