Sylvinho për Artmotion: Do të mendojmë në vazhdim për ndeshjen ndaj Serbisë, krenar me lojtarët e mi

Trajneri i kombëtares shqiptare, Sylvinho, ka thënë se Shqipëria ende ka shpresë për kualifikim në Botëror pas fitores së sontme ndaj Letonisë. “Ne kemi mundësi që të jemi në garë ende në këtë grup”, ka thënë Sylvinho për Artmotion. “Jemi të kënaqur sepse mendoj që kemi bërë një prezantim shumë të mirë, po ashtu edhe rezultati ishte pozitiv”. “Jam shumë i kënaqur dhe krenar me lojtarët e mi”. Ai foli edhe për ndeshjen me Serbinë, duke lavdëruar atmosferën mes lojtarëve të ekipit, dhe shtoi se do të mendojnë për ndeshjen e tetorit. “Do të mendojmë në vazhdim për ndeshjen e radhës”.