Lajmet e fundit
Ministri i Brendshëm Xhelal Sveçla, ka reaguar pas plagosjes së një qytetari serb M.J, në rrugën nacionale mes Leposaviqit dhe Zveçanit.
Sveçla dha detaje lidhur me rastin.
Ai tha se viktima nuk i ishte bindur sinjalit të policisë, duke mos u ndalur me veturë por duke vazhduar në drejtim të Zveçanit.
"Pas intervistimit nga ana e Inspektoriatit Policor dhe me vendim të prokurorit, 4 zyrtarë policor janë arrestuar dhe janë dërguar në mbajtje për 48 orë me dyshimin se tre zyrtarë policorë nuk kishin raportuar lidhur me rastin dhe një zyrtar për mos raportim si dhe për përfshirjen e tij në rast. Të njejtit gjatë ditës me rekomandim të IPK-së janë suspenduar nga PK", tha Sveçla.
"Me qëllim të zbardhjes së të gjitha rrethanave, hetimet do të vazhdojnë intenzivisht dhe gjithësecili që ka bërë shkelje do të ballafaqohet me ligjin", theksoi ai.
Lidhur me rastin kanë nisur hetimet nga ana e policisë dhe Inspektoratit Policor.
Për plagosjen e qytetarit serb, janë suspenduar katër zyrtarë të policisë/ Klankosova.tv
Rrini të informuar mbi zhvillimet kryesore duke u bërë pjesë e komunitetit tonë në Viber.
