Suspendohet kapiteni i policisë Riza Murati, dyshohet për dhunë në familje

Është suspenduar nga detyra, kapiteni Riza Murati, i cili në Policinë e Kosovës mbante detyrën e drejtorit të Drejtorisë për Hetimin e Trafikimit me Qenie Njerëzore. Murati dyshohet për dhunë në familje. Kjo u konfirmua në një përgjigje për Klankosova.tv nga policia. Në përgjigje thuhet se vendimi është marrë bazuar në rekomandimin e marrë nga Inspektorati i Policisë më 19 prill. “Kur një i punësuar në PK, dyshohet të ketë kryer vepër penale, rasti trajtohet nga një institucion jashtë PK-së. Pastaj çdo gjë që lidhet me një rast konkret që trajtohet nga IPK edhe njoftimet lidhur me rastin lëshohen nga IPK. Po ashtu, është procedurë që nuk ndryshon, që çdo rekomandim i IPK, zbatohet nga PK-ja, njëjtë është vepruar edhe për rastin për te cilin interesoheni”, thuhet në përgjigje. Lidhur me rastin Klan Kosova ka raportuar më herët./ Klankosova.tv https://klankosova.tv/te-ngrehi-zhag-ti-je-e-fisit-tjeter-deklarata-e-bashkeshortes-se-riza-muratit-e-cila-e-ka-denoncuar-kapitenin-per-dhune/