Superliga e Kosovës në futboll, vëmendja në Gjilan e Drenas

Sot do të zhvillohen dy ndeshjet e para të planifikuara të javës së 28 në Superligën e Kosovës në futboll dhe vëmendja do të jetë në Gjilan ku ndeshen Gjilani me Trepçën 89. Gjilani do ta presë në shtëpi skuadrën e Trepçës 89, në stadiumin e qytetit në Gjilan, ku pritet të jetë një ndeshje mjaftë interesante. Pas dorëheqjes së Arbnor Morinës skuadra e Gjilani-t javën e kaluar luajti baras me skuadrën e Feronikeli-t, ndërsa skuadra e Trepçës 89 ka gjashtë ndeshje pa humbje dhe do të provojë ta rrisë numrin  e ndeshjeve duke mos humbur as nga Gjilani, shkruan Kososva Press. Ndeshja jo më pak interesante është ajo që zhvillohet në Drenas, ku do të ndeshen skuadra e Feronikelit  dhe Lirisë nga Prizreni. Feronikeli ende nuk e ka shijuar fitoren me trajnerin e ri Sulejman Starova, kurse Liria ndeshjen e fundit u mposhtë nga skuadra e Llapit në Prizren. Liria në këtë ndeshje do të luaj pa lojtarin, Maganin i cili mungon shkaku i ndëshkimit me kartonë. Të dyja këto ndeshje fillojnë nga ora 15:00.

klankosova.tv