Sulmi i planifikuar në koncertin e Taylor Swift, i dyshuari shqiptar nga Maqedonia e Veriut

Policia austriake dhe shërbimet inteligjente ndërkombëtare e kanë parandaluar një sulm në koncertin e këngëtares së njohur Taylor Swift. Lidhur me rastin raportohet se janë arrestuar dy persona, njëri prej të cilit 19-vjeçar shqiptar nga Maqedonia e Veriut, i cili dyshohet se kishte planifikuar sulmin terrorist. I riu shqiptar kishte ardhur në Vjenë me prindërit e tij dhe më vonë u shpërngul me ta në Terniz (Neunkirchen, Austria e Ulët), raportojnë mediat ndërkombëtare transmeton Klankosova.tv Sipas mediave austriake, në Terniz u sekuestruan lëndë kimike që thuhet se janë të përshtatshme për ndërtimin e një bombe. 19-vjeçari mësohet se i kishte vjedhur nga kompania e përpunimit të metaleve ku ka punuar për herë të fundit. Sipas policisë, ai kohët e fundit u betua për besnikëri të përjetshme ndaj të ashtuquajturit “Shteti Islamik” (IS). Lidhur me rastin ka reaguar kancelari i Austrisë, Karl Nehammer. Ai tha se situata rreth sulmit terrorist të planifikuar ishte shumë e rëndë, ndërsa shtoi se u parandalua një tragjedi.

Die Absage der Taylor Swift Konzerte durch die Veranstalter ist für alle Fans in Österreich eine herbe Enttäuschung. Die Situation rund um den offenbar geplanten Terroranschlag in Wien war sehr ernst. Dank der intensiven Zusammenarbeit unserer Polizei und dem neu aufgebauten DSN…

— Karl Nehammer (@karlnehammer) August 7, 2024