Sulmet e drejtpërdrejta nga shteti në shtet ndërmjet Izraelit dhe Iranit kanë "mbaruar"

Një burim rajonal i inteligjencës me njohuri për reagimin e mundshëm të Iranit ndaj sulmit të së premtes, i cili u krye nga Izraeli sipas një zyrtari amerikan, tha se sulmet e drejtpërdrejta nga shteti në shtet midis dy armiqve kishin "mbaruar".

Burimi, i cili nuk ishte i autorizuar të fliste publikisht, foli për CNN në kushte anonimiteti rreth dy orë e gjysmë pasi u raportuan për herë të parë sulmet.

Burimi tha se, me dijeninë e tij, Irani nuk pritej të përgjigjej ndaj sulmeve - por nuk dha një arsye, transmeton Klankosova.tv.

Zyrtarët e qeverisë iraniane deri më tani kanë kërkuar të minimizojnë ndikimin e sulmit të së premtes.

Ushtria izraelite nuk ka komentuar dhe Irani nuk e ka identifikuar burimin e sulmit.