Sulmet ajrore në Liban largojnë mijëra njerëz nga shtëpitë e tyre

Java e dytë e sulmeve ajrore intensive izraelite në të gjithë Libanin ka dëbuar më shumë njerëz nga shtëpitë e tyre.

Agjencia e OKB-së për refugjatët palestinezë, UNRWA ka raportuar 82 për qind më shumë njerëz të regjistruar tani si të zhvendosur, shkruan Sky News, transmeton Klankosova.tv.

Që nga pasditja e së enjtes, rreth 4 mijë e 250 persona të zhvendosur brenda vendit u regjistruan në strehimoret e UNRWA-s një rritje prej 82 përqind nga 2 mijë e 332 të regjistruar një javë më parë.

Tutje, bëhet e ditur se pothuajse gjysma e tyre janë refugjatë palestinezë nga Libani, derisa agjencia ka paralajmëruar se totali mund të rritet.

Ajo ka hapur 12 strehimore emergjente në mbarë vendin, por tri prej tyre tashmë kanë arritur kapacitetin maksimal.