Lajmet e fundit
Një makinë është përplasur me një turmë njerëzish në një treg Krishtlindjesh në qytetin qendror gjerman të Magdeburgut të premten mbrëma.
Sipas mediave gjermane, të paktën një person u vra. Raportohet se shumë persona janë lënduar, transmeton Klankosova.tv.
Policia ka arrestuar shoferin, sipas burimeve të qeverisë lokale të cituara nga agjencia gjermane e lajmeve dpa.
Autoritetet kanë mbyllur tregun e Krishtlindjeve dhe shërbimet e urgjencës janë në vendngjarje.
"Kjo është një ngjarje e tmerrshme, veçanërisht tani në ditët para Krishtlindjeve," tha kryeministri i shtetit të Saksoni-Anhalt, Reiner Haseloff, ndërsa u nis për në Magdeburg.
Zëdhënësi i qeverisë rajonale Matthias Schuppe tha se ai dyshonte se incidenti ishte një sulm.
