Studimi: Qëndrimi në telefon në shtrat rrit rrezikun e pagjumësisë me gati 60%

Hulumtimi i ri zbuloi se çdo orë e qëndrimit para ekranit në shtrat lidhet me 24 minuta më pak gjumë dhe një rrezik 59% më të lartë për pagjumësi. Sipas Akademisë Amerikane të Mjekësisë së Gjumit, rreth gjysma e amerikanëve shikojnë TV dhe 45% përdorin smartfonin e tyre kur përpiqen për të fjetur natën, transmeton Klankosova.tv E studim i ri zbuloi se ky zakon mund të lidhet me disa pasoja mjaft serioze për gjumin dhe shëndetin e përgjithshëm. “Reduktimet e gjumit me kalimin e kohës mund të kontribuojnë në borxhin kumulativ të gjumit, duke rritur rrezikun e lodhjes, funksionin e dëmtuar njohës dhe shëndetin mendor më të dobët”, tha për Health, autori i studimit Børge Sivertsen. “Për të rriturit e rinj, të cilët tashmë priren të kenë gjumë të pamjaftueshëm, humbja e pothuajse gjysmë ore gjumë në natë mund të jetë e rëndësishme gjatë javëve ose muajve”, vijoi tutje ai. Për të hequr qafe këtë zakon, ekspertët rekomandojnë të mos përdorni ekrane në shtrat dhe të gjeni aktivitete alternative, relaksuese për të pushuar natën, si leximi i një libri ose pirja e çajit. / Klankosova.tv