Studim: Skleroza multiple dhe virusi që gjendet zakonisht, Epstein-Barr ka mundësi të jenë të lidhura

Studiuesit në Universitetin e Harvardit kanë zbuluar një lidhje të mundshme midis virusit Epstein-Barr (EBV), i cili bartet nga rreth 95 për qind e të rriturve, dhe sklerozës multiple (MS), sipas një studimi të madh. Për vite me radhë, EBV është menduar të jetë një shkak i mundshëm për MS, një sëmundje kronike që prek sistemin nervor qendror. Por studimi i botuar në revistën Science të enjten mund të jetë i pari që ofron "prova bindëse" për të ilustruar këtë shkakësi, tha në një deklaratë Alberto Ascherio, epidemiolog dhe një nga autorët e studimit. Sipas gjetjeve, kontraktimi i EBV mund të rrisë me 32 herë rrezikun e zhvillimit të MS, dhe ndërsa gjetjet u vlerësuan nga ekspertët, ata gjithashtu vunë në dukje se rezultatet nuk ofrojnë një lidhje përfundimtare. Faktorë të tillë si predispozicioni gjenetik dhe obeziteti mund të lidhen gjithashtu me MS, kanë supozuar studiuesit. Megjithatë, hulumtimi sugjeron se shumë raste të MS mund të parandalohen duke ndaluar infeksionin EBV. Mundësia e zhvillimit të MS tek individët që nuk kanë EBV është "praktikisht zero" tha Ascherio në një email, shkruan Washingtonpost, transmeton Klankosova.tv. Shumica e njerëzve janë të infektuar nga EBV në fëmijëri. Ndërsa simptomat e tij janë kryesisht të buta, virusi qëndron i fjetur brenda trupit të njeriut. Në të kundërt, simptomat për MS mund të variojnë nga mpirja, në dhimbje dhe dëmtim dobësues në funksionin motorik. Nuk ka kurë, megjithëse jo të gjithë kërkojnë terapi, dhe ka trajtime të tilla si steroidet që mund të menaxhojnë simptomat. Studiuesve të Harvardit iu dha akses në të dhëna mjekësore 20 vjeçare nga mbi 10 milionë anëtarë aktivë të ushtrisë amerikane. Nga kjo grup subjektesh me larmi racore, studiuesit u fokusuan në mostrat e gjakut të mbledhura nga 801 individë, të gjithë prej tyre zhvilluan MS gjatë kohës së tyre në ushtri dhe 800 prej të cilëve rezultuan pozitivë për EBV. Studiuesit ekzaminuan 123 njerëz që nuk kishin as MS dhe as EBV kur u morën për herë të parë mostrat e gjakut. Ata i ndanë në dy grupe. I pari, një grup prej 33 pacientësh me MS, përmbante 32 raste EBV-pozitive. I dyti, një grup kontrolli prej 90 personash që nuk kishin MS, përmbante vetëm 51 raste të EBV. Rreziku i marrjes së sklerozës multiple u rrit me 32 herë pas një infeksioni EBV, zbuloi analiza e studiuesve. Këto rezultate mund të jenë ende "pika kthese" që çon në investimin e kompanive farmaceutike në vaksinat kundër EPV, tha David Tscharke, imunolog në ANU.