Studim: Problemet e gjumit ndikojnë në aftësinë e leximit të fëmijëve

Sipas hulumtimeve të reja, është vërejtur se problemet me gjumin mund të ndikojnë në aftësinë e leximit te fëmijët. Në studimin e publikuar në British Journal of  Educational Psychology që përfshinte 339 fëmijë të moshës 4 deri në 14 vjeç, prindërve iu kërkua të plotësonin pyetësorë për gjumin e fëmijëve të tyre, ndërsa këta të funsit plotësuan një test të efikasitetit të leximit të fjalëve. Fëmijët, prindërit e të cilëve raportuan rritje të çrregullimeve të frymëmarrjes nga gjumi, përgjumje gjatë ditës dhe kohën e shkurtër që fëmijët flenë gjumë (që në përgjithësi shoqërohet me lodhje të shtuar) kishin performancë më të dobët në detyrat e leximit, shkruan Hindustantimes, transmeton Klankosova.tv. "Të qenit një lexues i mirë është parashikues i fortë i suksesit akademik dhe rezultateve të mira në jetë, kështu që ne rekomandojmë shqyrtimin e fëmijëve me probleme të gjumit për vështirësi në lexim dhe fëmijëve me vështirësi në lexim për probleme me gjumin," tha autorja Anna Joyce, PhD, MSc, e Universiteti Regent në Londër. Tutje Anna shtoi se trajtimi i vështirësive të gjumit dhe shkrim-leximit në moshë të re mund të ndihmojë në përmirësimin e rezultateve të jetës për të gjithë fëmijët.