Studim: Pirja e kafesë e zgjatë jetën

Një studim i fundit ka pohuar se pirja e më shumë kafeje mund të ndihmojë miliona njerëz të jetojnë më gjatë. Pirja e kafesë ndikon mirë edhe tek njerëzit të cilët vuajnë nga diabeti, shkruan The Sun, transmeton Klankosova.tv. Sipas studimit, ata që pinin më shumë pije të gazuara, kishin më shumë gjasa të vdisnin herët, për dallim nga ata që pinin pije të nxehta, siç është kafeja, e cila ndikon që njerëzit të jetojnë më gjatë. Sipas studimit, ata që pinin deri në gjashtë kafe në ditë e kishin për 26 për qind të reduktuar rrezikun e vdekjes së hershme. Tutje, studimi pohoi se ata që zgjodhën të pinin më shumë kafe pas diagnozës së diabetit kishin një rrezik 18 për qind më të ulët për një vdekje të hershme. Rrini të informuar mbi zhvillimet kryesore duke u bërë pjesë e komunitetit tonë në Viber. BONUS: Merreni aplikacionin tonë në Android dhe iOS.