Studim: Pini kafe për plakje më të shëndetshme (VIDEO)

Nutricionisti, Altin Joka në emisionin “Ora Shtatë” foli për studimin e fundit i cili është paraqitur në konferencën vjetore të Shoqatës Amerikane për Ushqyerje, ku sugjerohet që konsumimi i kafes gjatë moshës së mesme lidhet me plakje më të shëndetshme, e sidomos tek gratë. Studiuesit kanë analizuar rreth 47 mijë gra të moshave të mesme, dhe zbuluan se ato që konsumonin tre filxhanë kafe në ditë, kishin përqindje më të lartë që do të përjetonin plake më të shëndetshme, transmeton Klankosova.tv. “Në qoftë se nuk keni probleme me debulencë, ju duhet të konsumoni kafe, sepse është nga pijet më të shëndetshme”, tha fillimisht Joka. “Kafja është burim kryesor i antioksidantit, përmban rreth 1000 antioksidant dhe të mos harrojmë që në 100 gram kafe ne kemi rreth 2800 antioksidant, që do të thotë lë mbrapa çajin jeshil, lë mbrapa perimet jeshile. Te kafja ne gjejmë nivele të larta të polifenoleve, që janë të parat në parandalimin e sëmundjeve të zemrës, kundër plakjes, diabetit, kancerit dhe problemeve të tjera neuro-degjenerative por edhe të depresionit”, tha tutje nutricionisti. Ai tutje tha se kafja ndihmon në rregullimin e sheqerit në gjak dhe përmirëson shëndetin e zorrëve. /klankosova.tv https://www.youtube.com/watch?v=F6e40wlD6Sg