Studim: Adoleshentët që përdorin kanabis kanë rezultate më të ulëta në shkollë

Një studim i gjerë me të dhëna nga 63 kërkime, që përfshin gati 440,000 të rinj, ka zbuluar se përdorimi i kanabisit tek adoleshentët lidhet me rezultate më të ulëta në shkollë, përfshirë notat më të dobëta, më pak mundësi për përfundimin e shkollës së mesme, regjistrimin në universitet dhe diplomimin. Studimi, i udhëhequr nga Li Wang nga Universiteti McMaster, dhe i publikuar në "JAMA Pediatrics", thekson gjithashtu rrezikun për ndryshime në arkitekturën e trurit për shkak të përdorimit të kanabisit gjatë adoleshencës, duke ndikuar në kujtesën dhe aftësitë njohëse. Sipas kërkuesve, përdorimi i kanabisit nga të rinjtë në ShBA është rritur ndjeshëm. Ata thonë se "janë të nevojshme ndërhyrje të efektshme për të parandaluar ekspozimin e hershëm ndaj kanabisit".