Studentët serb protestojnë dhe përballën me policinë

Qindra studentë serbë janë përleshur me policinë të martën në Beograd, gjatë një proteste kundër një kontrolli policor në zyrat e Universitetin e Beogradit, duke rritur tensionet mes autoriteteve dhe aktivistëve antiqeveritarë. Sipas raportimeve të Reuters, turmat në qendër të qytetit u përleshën me policinë, të cilët përdoren forcë për të shpërndarë demonstruesit që brohorisnin dhe protestonin, transmeton Klankosova.tv. Policia ka bërë të ditur se kontrolli ishte pjesë e një hetimi për vdekjen e një studenteje 25-vjeçare, e cila humbi jetën të premten pasi ra nga një dritare në një ndërtesë fakulteti aty pranë. Rektori i universitetit, Vladan Djokic, u tha protestuesve se policia kishte hyrë në ndërtesë pa një shpjegim të vlefshëm ligjor, duke kërkuar dokumente dhe duke sekuestruar kompjuterë. “Mund të bastisësh ambientet e universitetit, por nuk mund të bastisësh ndërgjegjen e njerëzve”, deklaroi ai para turmës.