Struga kërkon fitore ndaj armenëve të Pyunik

Klubi shqiptar kampion i Maqedonisë së Veriut, pas eliminimit në ‘Champions League’, rrugëtimin në Ligës e Konferencës e nis nga raundi i dytë, ku sfidohet nga kampioni i Armenisë, Pyunik. Ky ballafaqim zhvillohet të mërkurën në Ohër dhe fillon nga ora 17:00, njofton klankosova.tv. Për Strugën kjo është hera e tretë në histori që luan në kualifikime evropiane, kurse suksesin më të madh e kishte vitin e kaluar, me arritjen deri në fazën “Play-Off”. Megjithatë nuk mundi t’i sigurojë grupet, pasi u mposht nga islandezët e Breiðablik, skuadër kjo me të cilën të enjtën me 25 korrik luan Drita e Gjilanit.